Undervegs med Nanna With globetrottar og samfunnsbyggar

Nanna Withs (1874¿1965) mangfaldige liv er ein inspirasjon. Sjølv om ho var fødd i ei tid då kvinners sjansar var få, viser hennar lagnad kor frie og sjølvstendige liv det var mogeleg å leve for norske kvinner for 120 år sidan. Ho hadde eit godt utgangspunkt med ein far, Richard With, som trudde på henne og støtta henne, men det meste av det ho fekk til skuldast hennar eige arbeid, innsatsvilje, gå-på-mot og sjølvtillit.<br>Forfattaren fylgjer Nanna frå ho vaks opp på handelsstaden Risøyhamn på Andøya i Nordland og vidare gjennom tre ulike yrkeskarrierar. Mellom anna bygde ho opp ei medieverksemd frå berre ein tilsett, til ho 12 år seinare hadde 50 tilsette. Lesaren er med henne på reisa jorda rundt åleine, som den første norske kvinna i historia. Vi får innsikt i hennar breie og brennande samfunnsengasjement som kosta kamp og mot, og som sette varige spor etter seg.<br> <br>Aud Farstad er historikar og forfattar. Ho har skrive mange bøker, mellom anna «På død og liv. Distriktsjordmødrenes historie» og «Amanda ¿ journalist og pioner».<br